प्रशासनिक बैठकसम्बन्धी सूचना
Published at: Wednesday, Jun-3, 2020प्रशासनिक बैठकसम्बन्धी सूचना
विश्वभर महामारीका रुपमा फैलिरहेको कोभिडबाट नेपालको शिक्षा क्षेत्र पनि अछुतो छैन । बन्दाबन्दीको अवस्था कहिलेसम्म रहने हो र खुल्दा पनि केकसरी खुल्ने हो भन्ने कुरा पनि निश्चित छैन । जनजीवन सामान्य हुन र विद्यालयमा पठनपाठन सुचारु गर्न अझै केही महिना लाग्ने सहजै अनुमान गर्न सकिन्छ । बन्दाबन्दीका कारण बालबालिकामा पर्नसक्ने नकारात्मक प्रभाव न्यूनीकरण गर्न सम्भव भएसम्म शैक्षणिक गतिविधि सञ्चालन गर्ने सोचका साथ अघि बढ्न जरुरी छ । नेपाल सरकार शिक्षा विज्ञान तथा प्रविधि मन्त्रालयले आउँदो असार १ गतेदेखि शैक्षिक सत्र २०७७ सालको पठनपाठन प्रारम्भ गर्न वैकल्पिक अध्यापन निर्देशिका जारी गरेको छ । यस सम्बन्धमा छलफल गरी आवश्यक कार्ययोजना बनाई तोकिएको मितिदेखि नै वैकल्पिक माध्यमद्वारा पठनपाठन अघि बढाउने ध्येयका साथ विद्यालयको प्रशासनिक एकाइको बैठक राखिएकाले उपस्थित भइदिनुहुन सम्बन्धित सबैमा अनुरोध छ ।
मिति ः २०७७ साल जेठ २२ गते
समय ः बिहान ७ः१५ बजे
स्थान ः विद्यालय कार्यालय
कर्णबहादुर डाँगी
प्रधानाध्यापक
कनकाई माध्यमिक विद्यालय
सुरुङ्गा, झापा